14ರಿಂದ ನೆಡ್ಲೆ ಜನ್ಮಶತಾಬ್ದಿ ಯಕ್ಷಗಾನ ತಾಳಮದ್ದಲೆ ಸಪ್ತಾಹ
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಶನಿವಾರ, ಒಕ್ಟೋಬರ್ 12 , 2013
|
|
ಒಕ್ಟೋಬರ್ 12 , 2013
|
14ರಿಂದ ನೆಡ್ಲೆ ಜನ್ಮಶತಾಬ್ದಿ ಯಕ್ಷಗಾನ ತಾಳಮದ್ದಲೆ ಸಪ್ತಾಹ
ಉಜಿರೆ :
ಉಜಿರೆ ಶ್ರೀ ಜನಾರ್ದನ ದೇವಸ್ಥಾನದ ಆಶ್ರಯದಲ್ಲಿ ಉಜಿರೆಯ ಕುರಿಯ ವಿಠಲ ಶಾಸ್ತ್ರೀ ಯಕ್ಷಗಾನ ಪ್ರತಿಷ್ಠಾನ ನೇತತ್ವದಲ್ಲಿ ಮತ್ತು ನೆಡ್ಲೆ ನರಸಿಂಹ ಭಟ್ ಯಕ್ಷಗಾನ ಪ್ರತಿಷ್ಠಾನ ಯೆಯ್ಯಡಿ ವತಿಯಿಂದ ಯಕ್ಷಗಾನ ಕುಲಗುರು ನೆಡ್ಲೆ ನರಸಿಂಹ ಭಟ್ಟ ಜನ್ಮ ಶತಾಬ್ದಿ ಯಕ್ಷಗಾನ ತಾಳಮದ್ದಳೆ ಸಪ್ತಾಹ ಉಜಿರೆ ಶ್ರೀ ಜನಾರ್ದನ ಸ್ವಾಮಿ ದೇವಸ್ಥಾನದ ವಠಾರದಲ್ಲಿ ಅ. 14ರಿಂದ ಅ. 20 ರವರೆಗೆ ನಡೆಯಲಿದೆ.
ನೆಡ್ಲೆ ನರಸಿಂಹ ಭಟ್ ಶತಮಾನ ಸಂಸ್ಮರಣೆ ಅಂಗವಾಗಿ ಅ.19ರಂದು ಬೆಳಗ್ಗೆ 10 ಗಂಟೆಗೆ ನೆಡ್ಲೆ ಸೃತಿ ಸ್ವಾರಸ್ಯದ ಪ್ರಸ್ತುತಿಯನ್ನು ಕುರಿಯ ಗಣಪತಿ ಶಾಸ್ತ್ರಿ, ಡಾ.ಎಂ.ಪ್ರಭಾಕರ ಜೋಶಿ, ಕೆ. ಗೋವಿಂದ ಭಟ್, ಸರ್ಪಂಗಳ ಈಶ್ವರ ಭಟ್, ಕುಬಣೂರು ಶ್ರೀಧರ ರಾವ್, ಕೆ. ರಾಜಾರಾಮ ಶರ್ಮ ಬೆಳಾಲು ನಡೆಸಿಕೊಡಲಿದ್ದಾರೆ. ಮಧ್ಯಾಹ್ನ 2 ಗಂಟೆಗೆ ಪುತ್ತಿಗೆ ರಘುರಾಮ ಹೊಳ್ಳ, ಅಡೂರು ಗಣೇಶ್ ರಾವ್ ಮತ್ತು ಬಿ. ಜನಾರ್ದನ ತೋಳ್ಪಡಿತ್ತಾಯ ಅವರ ಹಿಮ್ಮೇಳದಲ್ಲಿ ಮತ್ತು ಡಾ. ಕೊಳ್ಯೂರು ರಾಮಚಂದ್ರ ರಾವ್, ಪಾತಾಳ ವೆಂಕಟ್ರಮಣ ಭಟ್, ಕೆ. ಗೋವಿಂದ ಭಟ್, ದಿವಾಣ ಶಿವಶಂಕರ ಭಟ್ ಅವರ ಮುಮ್ಮೇಳದಲ್ಲಿ ತೆಂಕುತಿಟ್ಟು ರಂಗಕ್ರಮ ದರ್ಶನ ನಡೆಯಲಿದೆ. ಸಂಜೆ 4 ಗಂಟೆಗೆ ಎಡನೀರು ಮಠದ ಶ್ರೀ ಕೇಶವಾನಂದ ಭಾರತೀ ಶ್ರೀಗಳ ಉಪಸ್ಥಿತಿಯಲ್ಲಿ ನೆಡ್ಲೆ ಸಂಸ್ಮರಣೆ, ಸಮಾರಂಭ, ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡೆಯಲಿದೆ.
ಅಧ್ಯಕ್ಷತೆಯನ್ನು ಧರ್ಮಸ್ಥಳ ಮಂಜುನಾಥೇಶ್ವರ ಶಿಕ್ಷಣ ಸಂಸ್ಥೆಗಳ ಕಾರ್ಯದರ್ಶಿ ಡಾ. ಬಿ. ಯಶೋವರ್ಮ ವಹಿಸಲಿದ್ದಾರೆ. ಮಂಗಳೂರು ತಹಸೀಲ್ದಾರ್ ಕೆ. ಮೋಹನ ರಾವ್ ಉಪಸ್ಥಿತರಿದ್ದರು. ಹಿರಿಯ ಅರ್ಥಧಾರಿ ಡಾ. ಎಂ. ಪ್ರಭಾಕರ ಜೋಶಿ ಅವರು ಸಂಸ್ಮರಣೆ ಮಾಡಲಿದ್ದು, ಹಾಸ್ಯಗಾರ ನೆಲ್ಲಿಕಟ್ಟೆ ನಾರಾಯಣ ಅವರಿಗೆ ಪ್ರಶಸ್ತಿ ನೀಡಲಾಗುತ್ತದೆ.
ಅ. 20ರಂದು ನಡೆಯಲಿರುವ ಸಮಾರೋಪ ಸಮಾರಂಭ ನಡೆಯಲಿದೆ. ಅ.14ರಿಂದ ಅ.20 ರವರೆಗೆ ಪ್ರತಿ ದಿನ ಸಂಜೆ 5 ಗಂಟೆಗೆ ತಾಳಮದ್ದಲೆ ಜರುಗಲಿದೆ. ಅ. 14ರಂದು ಸೀತೆ, 15ರಂದು ದಮಯಂತಿ, 16ರಂದು ಮೋಹಿನಿ, 17ರಂದು ಶ್ರೀದೇವಿ, 18ರಂದು ದ್ರೌಪದಿ, 19ರಂದು ಸುಭದ್ರೆ, 20ರಂದು ದೇವಯಾನಿ ಕಥಾ ಪ್ರಸಂಗಗಳು ನಡೆಯಲಿದೆ ಎಂದು ಸಂಚಾಲಕ ಉಜಿರೆ ಎನ್. ಅಶೋಕ್ ಭಟ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಕೃಪೆ : http://vijaykarnataka.indiatimes.com
|
|
|
